Proxecto " A Caixa Sostible"

 Somos un dos corenta institutos participantes do proxecto "A Caixa Sostible" da Universidade de Vigo. Esta iniciativa ten como obxectivo coñecer o nivel de sustentabilidade que presentan os nosos centros, a calidade das nosas augas, o emprego que facemos dos recursos minerais e as posibilidades de empregar o noso patrimonio xeolóxico-arqueolóxico como recurso económico. 

O noso clube de ciencia decidiu comezar por construír un espectroscopio para analizar o espectro da luz no alumeado do noso centro e así coñecer o seu impacto.